Farmazia honek % 15eko deskontua dauka parafarmaziako produktuetan; % 7koa haurtxoentzako esnean, eta % 7koa elikadura-osagarrietan (deskontuok ezin zaizkie beste eskaintza edo deskontu batzuei gaineratu).

Hirukideko bazkidea izateko betekizunak:

• Familia ugaria izatea edo izan izana.
• Euskal Autonomia Erkidegoan bizitzea.
• Familia ugariaren titulua edo familia-liburua aurkeztea.

Abantailak

• Seme-alabak dauzkaten familiek eta, bereziki, familia ugariek jaso ditzaketen laguntzei, abantailei eta eskubideei buruzko aholkularitza eta informazio oso eta pertsonalizatua.
• Familia ugariei eragiten dieten erreklamazioak, kexak eta abar jartzeko lege-aholkularitza pertsonalizatua.
• Deskontuen bidezko onura bereziak, Hirukidek hainbat enpresarekin sinatutako hitzarmenei esker.

Telefonia (% 10 arteko deskontua).
Elikadura (% 5 eta 10 arteko deskontua).
Automobilak (% 15 arteko deskontua).
Mediku-aseguruak, finantza-produktuak eta abar.
Zinema, bidaiak... (% 15eko deskontua).

• Hirukideren hiru hilez behingo aldizkarirako doako harpidetza (aldizkariak 15.000 aletik gorako tirada dauka).
• Elkartearen jardueretarako doako sarbidea (biltzarrak, jardunaldiak, familia-jaialdiak...) eta bazkideentzako lehiaketa eta zozketa “esklusiboak”.
• Zerbitzuak eta kanpaina solidarioak antolatzen dituzte familia behartsuenentzat; adibidez, elikagai-bankua, jostailu-bankua eta abar.